ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ:ᱟᱹᱱᱟᱹᱨᱤ ᱟᱨ ᱫᱤᱥᱟᱹ ᱩᱫᱩᱜ
 |
ᱱᱚᱣᱟ ᱥᱟᱦᱴᱟ ᱫᱚ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱨᱮᱭᱟᱜ ᱟᱹᱱᱟᱹᱨᱤ ᱟᱨ ᱫᱤᱥᱟᱹ ᱩᱫᱩᱜ ᱵᱟᱵᱚᱛ ᱠᱟᱱᱟ᱾ ᱚᱱᱟ ᱛᱮ ᱟᱸᱥ ᱦᱩᱭᱩᱜ ᱠᱟᱱᱟ ᱱᱚᱣᱟ ᱠᱚ ᱟᱢ ᱢᱟᱱᱟᱣ ᱵᱟᱛᱟᱣᱟ᱾ ᱱᱚᱣᱟ ᱥᱟᱦᱴᱟ ᱨᱮᱭᱟᱜ ᱵᱚᱫᱚᱞ ᱠᱚᱫᱚ ᱜᱟᱞᱢᱟᱨᱟᱣ ᱛᱟᱞᱟ ᱛᱮ ᱦᱩᱭ ᱞᱟᱹᱠᱛᱤ ᱠᱟᱱᱟ᱾ ᱵᱚᱫᱚᱞ ᱵᱟᱵᱚᱛ ᱡᱚᱯᱲᱟᱣ ᱠᱟᱛᱷᱟ ᱠᱚ ᱧᱟᱢ ᱟᱨ ᱜᱟᱞᱢᱟᱨᱟᱣ ᱞᱟᱹᱜᱤᱫ ᱫᱟᱭᱟ ᱠᱟᱛᱮ ᱜᱟᱞᱢᱟᱨᱟᱣ ᱥᱟᱦᱴᱟ ᱵᱮᱵᱷᱟᱨ ᱢᱮ᱾ |
ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱫᱚ ᱢᱤᱫ ᱜᱚᱯᱚᱲᱚ ᱯᱚᱨᱛᱚᱱ ᱠᱟᱱᱟ ᱟᱨ ᱱᱚᱣᱟ ᱨᱮᱱ ᱛᱷᱟᱯᱚᱱᱤᱭᱟᱹ ᱠᱚ ᱟᱨ ᱮᱱᱮᱢᱤᱭᱟᱹ ᱠᱚᱣᱟᱜ ᱡᱚᱥ ᱫᱚ ᱢᱤᱫ ᱜᱮᱭᱟ᱾
ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱟᱹᱱᱟᱹᱨᱤ ᱟᱨ ᱫᱤᱥᱟᱹ ᱩᱫᱩᱜ ᱫᱚ ᱟᱵᱚ ᱚᱱᱟ ᱡᱚᱥ ᱧᱟᱢ ᱨᱮ ᱠᱟᱹᱢᱤ ᱞᱟᱹᱜᱤᱫ ᱜᱚᱲᱚᱭ ᱮᱢᱟ ᱵᱚᱱᱟ᱾ ᱱᱚᱣᱟ ᱟᱹᱱᱟᱹᱨᱤ ᱠᱚ ᱫᱚ ᱞᱮᱛᱟᱲ ᱜᱮ ᱩᱛᱱᱟᱹᱣᱚᱜ ᱠᱟᱱᱟ, ᱟᱨ ᱚᱱᱟ ᱩᱛᱱᱟᱹᱣ ᱫᱚᱦᱚ ᱤᱫᱤᱭ ᱞᱟᱹᱜᱤᱫ ᱛᱷᱚᱲᱟ ᱠᱩᱨᱩᱢᱩᱴᱩ ᱨᱮᱭᱟᱜ ᱞᱟᱹᱠᱛᱤ ᱢᱮᱱᱟᱜᱼᱟ᱾ ᱟᱢ ᱚᱱᱟ ᱠᱩᱨᱩᱢᱩᱴᱩ ᱨᱮ ᱜᱚᱲᱚᱢ ᱮᱢ ᱫᱟᱲᱮᱭᱟᱜᱼᱟ᱾
ᱟᱥᱚᱞ ᱟᱹᱱᱟᱹᱨᱤ ᱠᱚ
[ᱥᱟᱯᱲᱟᱣ]ᱟᱢ ᱮᱱᱮᱢ ᱮᱢ ᱞᱟᱦᱟᱨᱮ ᱥᱟᱱᱟᱢ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱟᱹᱱᱟᱹᱨᱤ ᱠᱚ ᱯᱟᱲᱦᱟᱣ ᱞᱟᱹᱠᱛᱤ ᱵᱟᱹᱱᱩᱜ ᱛᱟᱢᱟ! ᱢᱮᱱᱠᱷᱟᱱ, ᱞᱟᱛᱟᱨ ᱨᱮ ᱮᱢ ᱟᱠᱟᱱ ᱟᱹᱱᱟᱹᱨᱤ ᱠᱚ ᱫᱚ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱨᱮ ᱡᱚᱛᱷᱟᱛ ᱟᱨ ᱜᱚᱼᱜᱚᱲᱚ ᱟᱱᱟᱜ ᱟᱹᱱᱟᱹᱭᱠᱟᱹᱣ ᱧᱟᱢ ᱨᱮᱭ ᱜᱚᱲᱚᱣᱟᱢᱟ, ᱟᱨ ᱱᱚᱣᱟ ᱠᱚᱫᱚ ᱜᱟᱹᱠᱷᱩᱲ ᱦᱚᱲ ᱠᱚ ᱫᱟᱨᱟᱭ ᱛᱮᱜᱮ ᱵᱮᱱᱟᱣ ᱟᱠᱟᱱᱟ᱾
- ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱫᱚ ᱢᱤᱫ ᱟᱹᱲᱟᱹ ᱢᱩᱨᱟᱹᱭ, ᱥᱚᱢᱟᱱ ᱢᱮᱱᱮᱛ ᱟᱹᱲᱟᱹ ᱟᱨ ᱟᱹᱲᱟᱹ ᱜᱩᱴ ᱨᱮᱭᱟᱜ ᱛᱩᱢᱟᱹᱞ ᱡᱟᱨᱣᱟ ᱵᱟᱠᱷᱟᱲ ᱠᱟᱱᱟ᱾
- ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱫᱚ ᱥᱟᱸᱜᱮ ᱯᱟᱹᱨᱥᱤ ᱟᱱᱟᱜ ᱠᱟᱱᱟ᱾ ᱢᱮᱱᱫᱚ ᱟᱢ ᱱᱚᱣᱟ ᱨᱮ ᱡᱟᱦᱟ ᱯᱟᱹᱨᱥᱤ ᱨᱮᱭᱟᱜ ᱟᱹᱲᱟᱹ ᱜᱮᱢ ᱥᱮᱞᱮᱫ ᱫᱟᱲᱮᱭᱟᱜᱼᱟ᱾ ᱟᱨ ᱱᱚᱣᱟ ᱨᱮᱭᱟᱜ ᱡᱚᱥ ᱜᱮ ᱚᱱᱟ ᱠᱟᱱᱟ, ᱢᱮᱱᱫᱚ ᱥᱟᱱᱟᱢ ᱯᱟᱹᱨᱥᱤ ᱨᱮᱭᱟᱜ ᱥᱟᱱᱟᱢ ᱟᱹᱲᱟᱹ ᱱᱚᱣᱟ ᱨᱮ ᱥᱮᱞᱮᱫ᱾ ᱱᱚᱣᱟ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱫᱚ ᱥᱟᱱᱛᱟᱲᱤ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱠᱟᱱᱟ᱾ ᱱᱚᱣᱟ ᱨᱮᱭᱟᱜ ᱢᱮᱱᱮᱛ ᱫᱚ ᱚᱞᱚᱜ ᱠᱟᱱ ᱟᱹᱲᱟᱹ ᱠᱚ ᱨᱮᱭᱟᱜ ᱵᱤᱵᱚᱨᱚᱱ (ᱢᱮᱱᱮᱛ, ᱫᱟᱹᱭᱠᱟᱹ, ᱯᱟᱹᱨᱤᱥ ᱮᱢᱟᱱ), ᱮᱴᱟᱜ ᱯᱟᱹᱨᱥᱤ ᱨᱮᱭᱟᱜ ᱦᱚᱸ, ᱫᱚ ᱱᱚᱸᱰᱮ ᱥᱟᱱᱛᱟᱲᱤ ᱛᱮ ᱮᱢ ᱦᱩᱭᱩᱜᱼᱟ᱾ ᱚᱱᱠᱟ ᱜᱮ ᱮᱴᱟᱜ ᱯᱟᱹᱨᱥᱤ ᱨᱮᱭᱟᱜ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱠᱚᱦᱚᱸ ᱟᱠᱚᱣᱟᱜ ᱯᱟᱹᱨᱥᱤ ᱛᱮ ᱚᱱᱟ ᱠᱚ ᱟᱹᱲᱟᱹ ᱚᱞ ᱨᱮᱭᱟᱜ ᱠᱚ ᱠᱩᱨᱩᱢᱩᱴᱩᱭᱼᱮᱫᱟ᱾
- ᱥᱟᱱᱛᱟᱲᱤ ᱛᱮ ᱮᱢ ᱦᱩᱭᱩᱜᱼᱟ ᱢᱮᱱᱮᱛ ᱫᱚ ᱥᱟᱱᱛᱟᱲᱤ ᱟᱹᱲᱟᱹ ᱠᱚᱫᱚ ᱥᱟᱱᱛᱟᱲᱤ ᱪᱤᱠᱤ (ᱚᱞ ᱪᱤᱠᱤ) ᱛᱮᱜᱮ ᱚᱞ ᱦᱩᱭᱩᱜᱼᱟ᱾
- ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱱᱚᱠᱚᱞ ᱟᱹᱭᱫᱟᱹᱨᱤ (ᱠᱚᱯᱤᱨᱟᱭᱤᱴ) ᱮ ᱢᱟᱱᱚᱛᱟᱜᱼᱟ᱾ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱢᱤᱫ ᱨᱟᱲᱟ ᱟᱹᱲᱟᱹ ᱢᱩᱨᱟᱹᱭ ᱠᱟᱱᱟ, ᱡᱟᱦᱟ ᱨᱮᱭᱟᱜ ᱥᱟᱛᱟᱢ ᱠᱚ ᱠᱚᱢᱚᱱᱥ ᱮᱴᱨᱤᱵᱷᱭᱩᱥᱚᱱ-ᱥᱮᱭᱟᱨᱮᱞᱟᱭᱤᱠ ᱞᱟᱭᱥᱮᱱᱥ ᱟᱨ ᱡᱤ ᱮᱱ ᱭᱩ ᱯᱷᱨᱤ ᱰᱚᱠᱭᱩᱢᱮᱱᱴᱮᱥᱚᱱ ᱞᱟᱭᱥᱮᱱᱥ ᱟᱣᱛᱟ ᱨᱮ ᱵᱤᱱ ᱠᱟᱹᱣᱰᱤ ᱛᱮ ᱧᱟᱢ ᱟᱨ ᱵᱮᱵᱷᱟᱨ ᱜᱟᱱᱚᱜᱼᱟ᱾ ᱠᱚᱯᱤᱨᱟᱭᱤᱴ ᱢᱮᱱᱟᱜ ᱥᱟᱛᱟᱢ ᱟᱞᱮᱭᱟᱜ ᱱᱚᱣᱟ ᱟᱹᱱᱟᱹᱨᱤᱭ ᱛᱟᱞᱚᱢ ᱯᱟᱨᱚᱢᱟ ᱟᱨ ᱥᱟᱹᱨᱤ ᱨᱩᱯ ᱛᱮ ᱨᱟᱲᱟ ᱟᱹᱲᱟᱹ ᱢᱩᱨᱟᱹᱭ ᱵᱮᱱᱟᱣ ᱨᱮ ᱮᱴᱠᱮᱴᱚᱬᱮᱭ ᱥᱤᱨᱡᱟᱹᱣᱟ᱾ ᱚᱱᱟ ᱥᱟᱶᱛᱮ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱨᱮᱭᱟᱜ ᱟᱹᱱᱟᱹᱨᱤ ᱵᱩᱱᱤᱭᱟᱹᱫᱽ ᱦᱚᱸ ᱞᱤᱪᱟᱹᱲᱚᱜᱼᱟ᱾ ᱚᱱᱟᱛᱮ ᱠᱚᱯᱤᱨᱟᱭᱤᱴ ᱢᱮᱱᱟᱜ ᱥᱟᱛᱟᱢ ᱠᱚ ᱱᱚᱣᱟ ᱨᱮ ᱵᱟᱝ ᱮᱢ ᱜᱟᱱᱚᱜᱼᱟ᱾ ᱵᱟᱹᱲᱛᱤ ᱵᱟᱰᱟᱭ ᱞᱟᱹᱜᱤᱫ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱠᱚᱯᱤᱨᱟᱭᱤᱴ ᱧᱮᱞ ᱢᱮ᱾
- ᱵᱮᱼᱯᱟᱦᱴᱟᱨᱤ ᱩᱫᱽᱜᱟᱹᱣ ᱮ ᱞᱟᱦᱟᱭᱟ᱾ ᱟᱫᱮᱨᱚᱜ ᱠᱟᱱ ᱚᱞ ᱠᱚ ᱵᱮᱼᱯᱟᱦᱴᱟᱨᱤ ᱧᱮᱞ ᱦᱚᱨᱟ ᱠᱷᱚᱱ ᱚᱞ ᱦᱩᱭᱩᱜᱼᱟ᱾ ᱡᱟᱦᱟ ᱫᱚ ᱡᱟᱦᱟᱱ ᱟᱫᱮᱨ ᱟᱠᱟᱱ ᱨᱮᱭᱟᱜ ᱵᱮᱵᱷᱟᱨ ᱡᱚᱛᱷᱟᱛ ᱞᱮᱠᱟᱛᱮ, ᱥᱟᱱᱟᱢ ᱯᱟᱦᱴᱟ ᱠᱷᱚᱱ, ᱵᱮᱼᱯᱟᱦᱴᱟᱨᱤ ᱦᱚᱨᱟᱭ ᱥᱚᱫᱚᱨᱟ᱾
- ᱮᱴᱟᱜ ᱮᱱᱮᱢᱤᱭᱟᱹ ᱠᱚᱭ ᱢᱟᱹᱱ ᱟᱠᱚᱣᱟ᱾ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱨᱮᱱ ᱮᱱᱮᱢᱤᱭᱟᱹ ᱠᱚ ᱟᱭᱢᱟ ᱞᱮᱠᱟᱱ ᱟᱠᱚ ᱟᱨ ᱩᱱᱠᱩᱣᱟᱜ ᱢᱚᱱᱮ ᱨᱮᱭᱟᱜ ᱩᱭᱦᱟᱹᱨ ᱵᱷᱟᱵᱽᱱᱟ ᱦᱚ ᱟᱭᱢᱟ ᱞᱮᱠᱟᱱᱟ᱾ ᱟᱨ ᱟᱹᱰᱤ ᱞᱮᱠᱟᱱ ᱧᱮᱱᱮᱞ ᱦᱚᱨᱟ ᱦᱚᱸ ᱢᱮᱱᱟᱜ ᱛᱟᱠᱚᱣᱟ᱾ ᱩᱱᱠᱩ ᱥᱟᱱᱟᱢ ᱠᱚᱣᱟᱜ ᱮᱱᱮᱢ ᱜᱮ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱞᱟᱹᱜᱤᱫ ᱞᱟᱹᱠᱛᱤᱭᱟ᱾ ᱢᱮᱱᱠᱷᱟᱱ ᱢᱤᱫ ᱥᱟᱶᱛᱮ ᱠᱟᱹᱢᱤ ᱞᱟᱹᱜᱤᱫ ᱟᱹᱰᱤ ᱜᱟᱱ ᱠᱟᱛᱷᱟ ᱫᱤᱥᱟᱹ ᱫᱚᱦᱚᱭ ᱞᱟᱹᱠᱛᱤᱭᱟ᱾ ᱵᱟᱹᱲᱛᱤ ᱵᱟᱰᱟᱭ ᱞᱟᱹᱜᱤᱫ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ:ᱢᱟᱹᱱᱢᱤᱭᱟᱹᱛ ᱟᱨ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ:ᱨᱟᱯᱟᱪᱟᱜ ᱥᱚᱞᱦᱮ ᱧᱮᱞ ᱢᱮ᱾
ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ ᱨᱮᱭᱟᱜ ᱟᱹᱱᱟᱹᱨᱤ ᱠᱚ ᱧᱮᱞ ᱞᱟᱹᱜᱤᱫ ᱣᱤᱠᱤ ᱟᱹᱲᱟᱹ ᱢᱩᱨᱟᱹᱭ:ᱟᱹᱱᱟᱹᱨᱤ ᱧᱮᱞ ᱢᱮ᱾